C'l artìcul chè 'l è scrit in
Miranduléś |
![]() | ||
Breach - L'infiltrato | ||
![]() Ryan Phillippe in na figùra dal film | ||
Breach - 'L insfilsâ 2007 | ||
---|---|---|
Regìa: Billy Ray | ||
Scritōr: William L. Rotko • Adam Mazer • Billy Ray | ||
Atōr: Chris Cooper • Ryan Phillippe • Gary Cole Laura Linney • Caroline Dhavernas • Elie Gemael Dennis Haysbert • Kathleen Quinlan • Tom Barnett | ||
Müsica: Mychael Danna | ||
Léngua: Ingléś • Rus • Àrab | ||
Dürä dal film: 110 minüt | ||
Nasiōṅ: Stat Unî |
Breach - L'infiltrato (Breach - 'L insfilsâ) 'l è 'n film ad spiunàǵ dal 2007 ad Billy Ray ch'al tōś ispirasiòṅ da la stòria véra d'l èx agìnt d'l FBI Robert Hanssen, cundanâ a 'l ergàstul p'r avēr viulâ la sicurésa di Stat Unî.
La pelìcula l'à fat sù quarànt'òṅ migliòṅ ad dòlar, dimóndi da piò di cóst fér'm a vint-a-tri.
Eric O'Neill (Ryan Phillippe) 'l è 'n śōvan ch'al lavóra par 'l FBI, in dla diviśiòṅ dla sicurésa intèrna. Spuśâ cun la Juliana (Caroline Dhavernas), al sò sógn 'l è qvél ad far caréra e 'd dvintàr 'n agìnt par l'agensìa federàla. Un dè l'è ciamâ da la Kate Burroughs (Laura Linney), a 'l servìsi dl'unità ad Rich Garces (Gary Cole) e 'd Dean Plesac (Dennis Haysbert), par lauràr cuma culaburadōr d'l agìnt Robert Hanssen (Chris Cooper), suspetâ 'd pasàr di segrét ad stat a i rus.
Eric al gh'à da nutàr incòsa su 'n diàri e dascargàr di file segrét da 'l sò computer. Subìt Robert al ténd a tratàr-al mâł ma pò al taca a cunfidàr-as sèg anc parchè 'l è catòlig cuma lò. A 'n sèrt punt però Hanssen al capìs 'd avēr-'g i òć adòs parchè al s rénd cònt ch'i gh'aṅ mis dal simśi in dla màchina.